Transcription
1
Monsieur, hyer je vous escrivis ung mot de response à la
2
votre du XVIIe. Despuis sur le tard vindrent en mon
3
logis troys homes d’armes de la compagnie de son altesse
4
qui avoent parlé à monsieur de Grenoble pour scavoyr de
5
luy si le païs trouveroyt bon qu’estant leur compagnie
6
sur le poynt de se retirer mecredy ou jeudy procheyn
7
d’en retenir jusques à une trenteyne ou trente six qui
8
voluntayrement se offrent de fere sercice, voyant le besoyn,
9
et que ledit sieur de Grenoble les avoyt renvoyé à
10
moy. Je leur feis response que ce faict n’estoyt de
11
ma charge, comme en verité je ne scay pourquoy on
12
me les renvoya. Or, aujourd’huy j’en ay dit ung mot
13
à messieurs de la cour, qui ont toutz esté d’advis de
14
vous en advertir, afin qu’il vous plaise en commander
15
votre volunté, afin qu’entre cy et ledit mercredi ou jeudy
16
l’on leur puisse fere quelque response resolue de laisser
17
ou retenir. Et pource que cela depend principalement du
18
moyen qu’auront ceulx dudit païs de les entretenir, mesdits
19
sieurs ont bien volu ouyr ceulx des estatz dessus ce faict,
20
qui ont dit que des mercredy XVIIe ilz vous en avons
21
escript bien à pleyn. Et entre cy et le temps de leurdite
22
retraicte il vous plait en escrire quelque chose ou leur
23
fera entendre, vous trouveres dans ce depeche deux
24
letres, l’une de monsieur de Martin, l’autre du sieur Brunel.
25
Ce sera l’endroit où je prieray le createur,
26
monsieur, vous doner en santé, heureuse et longue vie,
27
de Grenoble, ce XX de mars 1574
28
Vostre treshumble et obeissant
29
serviteur G. Desportes